1. Wat is die keuringsproses vir die graad in Verpleegkunde?

Alle voornemende studente moet die volgende stappe volg om in aanmerking te kom vir keuring vir die graad in Verpleegkunde.

  • Doen aanlyn aansoek vir toelating tot die NWU met finale graad 11 eksamen uitslae: Sper datum 30 Junie
  • Alle kandidate moet die volgende dokumente aanstuur na die aanlyn aansoek voltooi is:
    • Graad 12 Junie eksamen uitslae: Sper datum 2de week in Augustus
    • Voltooide skadu-verpleging portefeulje: Sper datum 31 Julie
    • Kontak persoon: Bernice Mokele by die Skool vir Verpleegkunde

LET WEL: Indien die Junie graad 12-eksamenpunte nie teen 2de week in Augustus (of so spoedig moontlik daarna sodra die punte bekend is) aangestuur is nie, word aanvaar dat u nie meer belangstel om Verpleegkunde by die NWU te kom studeer nie.

 

  • 120101 G409P
  • Vier (4) jaar graad kursus
  • Een (1) jaar Gemeenskapsdiens
  • Registrasie Suid-Afrikaanse Raad op Verpleging (SAVR)
  • Algemene Verpleegkunde
  • Gemeenskap Verpleegkunde
  • Psigiatriese Verpleegkunde
  • Verloskunde

 

2. Vereiste NSS-Vakke Plus Keuringsvereistes.

Voorlopige keuring van 65 voornemende kandidate word gedurende die 3de week van Augustus gedoen, waartydens die kandidate se:

  • Graad 12 Junie-eksamenpunte – hoofsaaklik eksamenpunte vir Wiskunde en/of Fisiese Wetenskap en/of Lewenskappe asook die APS-telling gebruik word om ʼn kwantitatiewe keuringspunt te bereken.
  • Voortaan word alle kandidate se keuringspunt gerangskik van hoogste tot laagste en die top 65 (+10%) word op die “voorlopige” keuringslys geplaas.
  • Suksesvolle kandidate word in kennis gestel van die uitslag van die keuringsproses via SMS en/of e-pos.
  • Keuring word eers gefinaliseer sodra die finale graad 12 eksamen uitslae (gewoonlik vroeg in Januarie) beskikbaar is.
  • Geen psigometriese toetse word afgelê nie.
  • 60 ure skaduverpleging moet gewerk word as deel van die keuringsproses.  Epos hierdie verslae na Me Bernice Mokele by bernice.mokele@nwu.ac.za voor 31 Julie.

Laai belangrike dokumente af:

  1. Inligting: Graad in verpleegkunde
  2. Skadu-verplegingversoekbrief
  3. Skadu-verplegingportefeulje

3. Onderrigmedium.

  • Die onderrigtaal vir kontakstudente van hierdie kurrikulum is Afrikaans.
  • Opvoedkundige tolking in Engels maak lesings toeganklik vir studente wat Afrikaans nie voldoende magtig is nie.
  • In sekere modules is die onderrigtaal Engels, en word lesings deur middel van opvoedkundige tolking in Afrikaans toeganklik gemaak.