Hipertensie in Afrika Navorsingspan (HART), Fisiologie

Prof. Yolandi Breet is 'n medeprofessor in Fisiologie en 'n navorser op die gebied van hipertensie. Haar spesifieke navorsingsbelangstellings sluit die styfheid van groot arteries en vroeë vaskulêre veroudering in. Sy beskik oor 'n Y-gradering van die Nasionale Navorsingstigting (NRF) en is ook 'n lid van die Association for Research into Arterial Structure and Physiology (ARTERY). Sy is die hoofnavorser van die Attended and Unattended Blood Pressure in Africans (AvU BP)-studie. Sy dien op die Raad van Direkteure van die Suid-Afrikaanse Hipertensieraad (SAHS) en tree ook op as mederedakteur vir die joernaal Artery Research.