Die volgende proses moet gevolg word om aansoek te doen vir meestersgraad- of doktorale studie:

1. Doen aanlyn aansoek by Gevorderde gradetoelatings

• https://studies.nwu.ac.za/postgraduate-studies
• https://studies.nwu.ac.za/studies/how-apply-online
• Sluitingsdatum: 31 Augustus 2023

2. E-pos asseblief ʼn brief van belangstelling, u CV, u mees onlangse studierekord, inligting oor vorige grade) en ʼn afskrif van u ID (of paspoort) na ons navorsingsentiteit (MUSA-admin@nwu.ac.za) voor die einde van Augustus van die spesifieke jaar.
3. Bevestig asseblief per e-pos (MUSA-admin@nwu.ac.za) of telefonies met mev Lauren Adam (018 299 2287) dat ons u aansoek ontvang het.
4. Die wetenskaplike komitee van die navorsingsentiteit sal eers papierkeuring doen om aansoekers te identifiseer, wat dan genooi sal word vir ʼn onderhoud met die wetenskaplike komitee.

• Keuring is onderhewig aan akademiese prestasie, praktiese oorwegings en kapasiteit en kundigheid wat in die navorsingsentiteit en vakgroep beskikbaar is.
• Voornemende studente moet verkieslik minstens 60% in die eerste semester van die finale jaar van die BPharm-graad behaal (verkieslik vir vierdejaar-BPharm-studente) of ekwivalente bewys van bevoegdheid verskaf (bv. internasionale studente).
• Praktykervaring en vorige leer in die veld van aptekerswese sal as aanbeveling dien.

5. Aansoekers wat die vraestelkeuring slaag, sal uitgenooi word na ʼn onderhoud met alle beskikbare lede van die wetenskaplike komitee.
6. Die wetenskaplike komitee van die navorsingsentiteit sal die finale besluit neem.
7. ʼn Amptelike goedkeuringsbrief sal deur Gevorderdegradetoelatings van die Noordwes-Universiteit aan jou gestuur word.

Belangrike notas:

• Om ʼn studentenommer/universiteitsnommer te kry, beteken nie dat u reeds aanvaar is vir die program waarvoor u aansoek gedoen het nie. ʼn Studentenommer/universiteitsnommer word slegs vir administratiewe doeleindes uitgereik.
• Alle dokumente wat ingedien word, moet gewaarmerk word deur ʼn kommissaris van ede, prokureur en/of universiteitsbeampte.
• Indien enige van u kwalifikasies by ʼn nie-Suid-Afrikaanse instelling behaal is, moet ʼn evalueringsertifikaat uitgereik deur die Suid-Afrikaanse Kwalifikasie-owerheid (SAKO) ingedien word.
• Neem asseblief kennis dat indien enige van die dokumente wat u moet indien in u nooiensvan uitgereik is, u ook ʼn gewaarmerkte huweliksertifikaat moet indien.